أنا مش بعتذر عن حاجة

أنا مش بعتذر عن حاجة

اما بسمع حب الناس و إعجابهم باحس إني اخدت جايزة. ده حصل كتير في العروض بتاعتي، بس ده متوقع لأني برقص ببدلة رقص و مكياج و ده بيخلي سهل قوي ان حد يعرفني. الناس بتيجي و تقولي : ” انا شفتك في مسلسل مع مني زكي ” أو ” انا شفتك في كليب الكريسماس” … و حاجات حلوه كتير من النوعية دي …

magda monti

بس في الشارع حصلت مرتين تقريبا: مرة و انا في محل حلويات ( كنت بدور علي كيكة الجبنة (شيز كيك) .. ايوه بحبها جدا ) . الراجل وهو بيديني الكيس اللي فيه الحلويات قالي حاجة زي:” شكرا ماريا” (ماريا دي كانت اسم الشخصية اللي كنت بمثلها في مسلسل أسيا لو كنت اتفرجتوا عليه) … و مرة اما ظابط مرور وقفنا (كنت انا و جوزي راجعين للبيت) لكن الظابط لاحظني و خلانا نعدي حتي من غير مايشوف الرخص او اوي حاجة.

دلوقتي بقي يحصل اكتر … في الشارع يعني …

مرة بنت بصت لي و ابتسمت … وبعدين بصت في الأرض لغاية ماجت لها الجراءة انها تتكلم و تقولي بالعربي: ” لو سمحتي ! انتي البنت اللي بترقص في فيديو هوبا الجديد ؟” انا ماكنتش واثقة أرد إزاي ، ابتسمت لها اما قالت:” أيوه ! انتي ! نورتي مصر! انا حبيت الفيديو قوي ! إنتي كنتي رائعة فيه!”.

النهاردة اما كنت بتسوق في السوبرماركت, رحت علشان ، الكاشير قالي بالعربي:” جميل جدا رقصك في فيلم المهرجان”. هو اساسا ما سألنيش إذا كنت انا ولا لأ.. انا ابتسمت و شكرته.

كل ده وضحتي حاجتين :

أيوه، حقيقي ان فيه ظلم كتير ضد الراقصات هنا في مصر، لكن لو عرفت تبين الفن ، الناس حاتقدر كويس، و هما حايبينوا ده كويس.

مافيش اي معني خالص إني انكر نفسي زي ما كنت بعمل قبل كده من خوفي من رد الفعل.. ده هي انا . انا كافحت لكل نحاج حصل و اتعلمت من اخطائي ..”إني اخبي نفسي” .. ده كانت غلط

Con Bassem Samra en "Telenovela ASIA"

ليه استخبي ؟

انا ما أقدرش اعيش من غير “الرقص” و بشعر إني كاملة علي المسرح! الناس بتشوف ده و تقدره. كده بقي غلط؟! انا مابقتش اهتم الناس بتقول إيه، مش علشان انا بأدعي “الثورية” و لو انا اتقبلت من الناس “يبقي كويس” و لو ماقبلونيش “يبقي كويس برضه”… لأ.. ده غير كده: ده علشان من وانا طفلة صغيرة كنت عارفة إني عايزة اكون علي المسرح، طبعا ماتخيلتش التمن اللي الواحد ممكن يدفعة علشان يكون فنان، ولا تخيلت إني ابقي ” فنانة رقص شرقي في مصر” .. بس كنت عارفة إن “خشبة المسرح” كانت المكان اللي عايزة ابقي عليه ( انا كنت عندي 11 سنة انا بقيت بطلة مسرحية للأطفال) .. كنت بقول مش حاسيب المسرح تاني … وانا اهه

Acting, dancing... on stage!

انا مش أسفه انا إيه.. لو الرقص حرام و انا حاروح الجحيم علشان كده .. ده حايخليني افكر في عرضي التاني … انا مؤمنة بوجود الله و انه عارفني و شايف كل اللي بعمله و بحسه … هو ده كل اللي يهمني!. لو حاحط في المعادلة كل اللي بحسه و انا برقص او بمثل و في الطرف التاني “ايه اللي بيقوله الناس” افتكر ان الطرف الأخير مابيمثلش حاجة خالص.. مش معتبر حتي! هي دي أنا … ايوه .. فنانة .. بس برضه بحب اسمي نفسي: واحدة مباركة و فوق ده كلة ،، شاكرة..

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s