المعلم

المعلم

magdalenamonti
كنت مضطرة اسيب حاجات كتير ورا ضهري قبل ما اجي مصر، واحد من الحاجات دي مدرسيتي، و طبعا تلاميذاتي. مع اني ابتديت التدريس مش كـ “مهنة” (لأني والدي رفض يمولني للرقص، سواء الفصول، او بدل الرقص او اي حاجة متعلقة بيه) بس لازم اعترف اني لاقيت شعور بالرضا مع التدريس. انا روحت لجرنان محلي و حطيت إعلان و استقبلت اول تلاميذاتي في غرفة المعيشة . ده كان في الأول بس بعد كده ابتدي تيجي تلميذات اكتر و اكتر حتي مابقاش فيه مكان لأحد ، و بعدين اضطريت اتنقل لصالة تعليم رقص حقيقية علشان اعرف اشتغل.
اللي احسن من كده اني اشوف تلميذة لي بتكبر . اشوفها تتطور و احس اني اعطيت حاجة . مش كل تلامذتي عايزين يكوني “محترفين للقرص” او “مدرسين” بس انا كنت بدرس لهم زي بعض. انا كنت مدرسة بعتمد عليهم و علي المردود منهم و مازلت ، ماكنتش بشتغل بإسلوب التلقين و خلاص. في الحصة ، في وقت لكل شئ و قصدي بكده ان الشغل و التدريب لازم يكون من الأولويات.. ممكن نتكلم ، نتناقش في الأراء … بس اما يكون الشغل و التدريب خلص. التدريبات عندي ملزمة و مقدسة .. لو ماجتش الحصة يبقي اكيد تكون مت و ياريت شهادة الوافاه تجيلي

With my beloved "Shiva"

With my beloved “Shiva”

انا بحب اعمل تصميم الحركات الراقصة Choreography ، و بذات الفردية ، لأن الفردية دي هي اللحظة بتاعتها. حقيقي، تلاميذتي عندهم حاجة مني في رقصهم ، بس دائما لازم يحطوا الطابع الشخصي بتاعهم في الرقصة ، التاتش بتاعتهم في كل غنوة بيرقصوا عليها
انا عندي قصص حلوه جدا ! ضحك ، دموع ، ، زعل و غضب .. ذكريات كتير ، و قصص … أما بفتكر واحده منهم مشاعري بتتحرك ، انا مفتقداهم خالص طبعا ، بس انا مبسوطة إني اشتركت معاهم في حاجات كتير و اتعلمت كتير

Ending the year dancing

Ending the year dancing

المدرس الكويس و المدرس السئ
اما ابتديت في الرقص الشرقي كان عندي مدرس بعتز بيها جدا. انا فاكره انه قبل اي مسابقة او مهرجان كنا بنقعد نجرب و نعيد كتير و في نهاية اليوم نقعد نتفرج عليها وهي بتأدي حركاتها و رقصها. مرة ، بعد ما هي خلصت الرقصة صقفنا لها و هي قالت :” في يوم حاتعرفوا ترقصوا زي كده..” ، والله ، اول ما سمعتها بتقول كده ، انا حسيت إن شئ جوايا اتكسر. و مع الوقت حسيت و إتأكدت إن المدرسين من بس بيدرسوا اللي المفروض نتعلمه ،، بعضهم بيدرس اللي مش المفروض نتعلمه ابدا
المدرس الكويس هو (او هي) اللي بيكون جنبك من “موقع المدرس” بس من غير مايعطينا الإحساس بالتفوق و انه اعلي من التلاميذ.. المدرس الكويس هو اللي بيعتز و يحترم من غير ما حد يطلب منه ده… علي كده هو بيقدر “يقرأ التلاميذ” و يقدر يعرف إزاي يوجه. ساعة و قابلت مدرسي في الفصل عرفت انه هو اللي يقدر يرشدني. عمري ما كنت عايزة ابقي زيه لأنه متفرد لكني كنت عايزة اتبع خطواته و اتعلم منه في كل ثانية. بجانب انه مدرس ممتاز، هو مضئ لنا كلنا ، محب ، و له تقدريه في العالم كله، واما بيروح مسارح كتير لكن بيفضل مع تلاميذه يتكلم و يرشد مع غير غرور .الناس اللي تعرف أمير طالب Amir Thaleb اكيد حاتعرف انا بأتكلم علي إيه .
التدريس بلغة مختلفة
اما جتلي الفرصة اني ادرس هنا في مصر، كان بقالي اكتر من سنة من غير ما ادرس لأحد و بالإضافة لكدة المفروض ادرس بالإنجليزي (لغتي الأصلية اسباني زي ما انتوا عارفين . و ده عملي تحدي كبير لأن، حتي لو الإنجليزي بتاعتي مش وحشة (وطبعا لهجتي لاتينية جدا ) بس ده مش كفاية… و بالذات في تعليم المبتدأين. انا كنت دائما عندي تلاميذ اجانب اكتر من المصريين، و احيانا مجموعات و احيانا دروس خاصة. بصراحة الموضوع ما اخدش وقت طويل اما بقي إختلاف اللغة يضايقني ، اتعودت عليه و بقيت احس تاني بمتعة مشاركة اللي اتعلمته و اللي بحبه .. علم او اعطيني العلم سيان بالنسبة لي.
موضوع اللغة مش حاجة بسيطة في بعض الدول اللي الإنجليزي كلغة تانية مش منتشر قوي ، زي اليابان. في بعض الأحيان بحتاج في الحصة حد يتدخل علشان يترجم لأني بكون حضرت موضوع الحصة بأغنية مترجمه من عربي لإنجليزي. بس أحب ءأكد إن الرقص ، زي اي فن ، عالمي .

MAGDA MONTI

MAGDA MONTI

أي دولة انا زرتها بحس إن فني و إتقاني بيزيد و طبعا بأحتفظ بذكريات جميلة مع كل مكان و الطلاب اللي بيجوا لحلقات العمل اللي بقدمها. دلوقتي أنا ماعنديش مجموعة دراسية او طلابه زي ما كان عندي في توكومان (مدينتي في الأرجنتين Tucuman ) بس زي ما كنت قبل كده ـ اما بدرس بعطتي طلابي أحسن حاجة عندي لأني عايزه طلابي يتعلموا و ياخدوا شئ مني، دي رغبتي علي طول. انا بس عندي مشكلة واحدة: انا بأبتدي حصة بأنسي الوقت تماما ، حتي مش بأحس بوقت الراحة .. يمكن علشان كده في حلقة العمل او الحصة اللي بدرسها بخلص الأداء الحركي للأغنية . في اليابان كان الحصة او حلقة العمل بتاعتي حوالي 3 ساعات و نص. انا ما وقفتش طوال ساعتين و نص اما وقفت شوية علشان افسر حاجة ، بعضض الطالبات جولي و ابتدوا يتكلموا بلياباني و تفسير وشهم “أرجوكي” .. و طبعا بمساعدة المترجمة فهمت انهم عايزين 5 دقائق راحة و يشربوا ماء .. علي فكرة الشعب الياباني من أكتر الشعوب اللي قابلتها ادبا.

Japan

Japan

أنا درست برضه في القاهرة لأجانب زائرين و مقيمين ، من كوريا، الصين، اليابان ، السويد، إيطاليا ، فرنسا … مش عارفه افتكر اكتر ، بس طبعا من امريكا الاتينية كمان ، و برضه عندي طالبات مصريات.

Sicily

Sicily

علي فكرة انا سجلت حصص اونلين لـ http://www.cairobellydance.com و عايز أشكر عالية Aleya علي ثقتها في شغلي.

الفارق الكبير
أما كنت في بلدي و كنت بدرس اكتر من الرقص الشرقي في اي إحتفال. ماكنش في تقاليدنا انهم يجيبوا راقصة شرقية، ماكنش ملزم يعني ، و في المقابل فيه بنات كتير عايزين يتعلموا الرقص الشرقي. علشان كده كل الراقصات بيتعلموا و بعدين يرقصوا في عروض. أفتكر انا طلبوني في عرض و كان حفل زفاف، كنت بقضي يومي كله احضر للموضوع ده .. علي الراغم اني كان ممكن ارقص اخر السنة في مهرجان و مش بيكفي.
هنا في القاهرة ، و الحمد لله طبعا ، انا تقريبا برقص كل يوم و بدرس من 3 – 4 مرات في الأسبوع. فاساسا معنديش وقت فاضي “احضر نفسي فيه” بس يستحق الموضوع عرضين او تلاتة في اليوم… المسرح معلم كبير جدا، واللي بتتعلمه علي المسرح لا يمكن تتعلمه في حته تانية .

عرفان بالجميل
أني اكرس نفسي لعمل الشئ اللي بحبه ، ده مباركة و توفيق. مقابلة ناس كتير من اماكن مختلفة في عروضي و الدروس ده تجربة فريدة و خبرة ممتازة. مافيش يوم بيعدي من غير ما افتكر إزاي انا بدأت رحلتي.. بداياتي .. الأمسيات الليكنت بخرج فيها مع بعض الطلية علشان اوزع إعلانات ، سواء لبداية دروس او مهرجانات .. كل مرة اسافر فيها لبونس أيرس للتعلم .. كل مرة اخيط و اعمل تصميمات بالخرز الكتير قوي… كل وقت كنت بقول فيه لطالباتي: “النهاردة انتوا علي المسرح، شوية منكم اول مرة، و شوية منكم مالهمش علاقة بس شوية منكم حايفضلوا في المجال للنهاية” و طبعا اللحظة اللي والدي قالي فيها:_ “لو الرقص هو اللي انتي نفسك فيه .. ارقصي” .. كلماته كانت إطلاق لي و لروحي … لأن مش مهم انت بتعمل إيه .. المهم تحب اللي بتعمله .
http://www.youtube.com/watch?v=IJApvm5BOuA

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s